काठमाडौं । गैरआवासीय नेपाली संघ (एनआरएनए) को हिजो बिहीबार सम्पन्न निर्वाचनमा काठमाडौंबाट शुन्य मत पाएको भनिएका उपाध्यक्षका उम्मेदवार डा. केशव पौडेललाई विजयी घोषणा गरिएको छ । ग्लोबल भोटिङमा उनको नाम kesab भनेर दर्ता थियो । यता काठमाडौंमा भने Keshav भनेर दर्ता रहेको पाइएको छ । स्पेलिङ फरक परेपछि सिस्टमले काठमाडौंमा उनको पाएको भोट काउन्ट नै गरेन ।

काठमाडौंको ३५६ मतलाई कुल मतमा मर्ज गर्न सिस्टमले दिएन । यो इररलाई सच्चाएर काठमाडौंमा उनले प्राप्त गरेको मत जोड्दा उनी विजयी भएका हुन् । १३५७ मत ल्याएर विजयी घोषणा गरिएका खगेन्द्र न्यौपानलाई पराजित घोषणा गरिएको छ ।