सुडानका ४० लाख बालबालिका कुपोषणको शिकार भएको तथ्यांक सार्वजनिक भएको छ ।
संयुक्त राष्ट्र संघका अनुसार सुडानका महिला र बालबालिका गरी करिब ४० लाखमा कुपोषण भएको हाे। सोही प्रतिवेदनमा सन् २०२३ सम्ममा सुडानका ५ वर्ष मुनिका बालबालिका र गर्भवतीमा यस्तो समस्या रहेको र उनीहरुलाई सहयोगको आवश्यकता रहेको जनाइएको छ ।
जसमध्ये ६ लाख ११ हजार बालबालिका चरम कुपोषणको मारमा परेका छन् । केही समयदेखि आन्तरिक राजनीतिक समस्यामा फसेको सुडानले दशकौंदेखि आर्थिक समस्याहरु झेलिरहेको छ ।
खडेरी, आर्थिक मन्दी र खाद्य असुरक्षा आदिका कारण त्यहाँका लाखौं नागरिक विस्थापित भइसकेका छन्।