![नेपालको अर्थतन्त्र सुधार हुँदैछ : अर्थमन्त्री](http://media.assettype.com/dailynewsnepal%2F2023-09%2Ffb7e76d9-187d-4656-9ac6-b3718d44f5b2%2Fca65577d_d984_42f4_9d1e_6f195819dad9.jpg?w=480&auto=format%2Ccompress&fit=max)
काठमाडौँ । अर्थमन्त्री प्रकाशशरण महतले अर्थतन्त्र सुधार हुँदै गएको बताएका छन् । नाडा अटो शोको उद्घाटनमा बोल्दै उनले देशको अर्थतन्त्रमा सुधार हुँदै गएको बताएका हुन् ।
उनले भने, ‘नियम निकायले सानु सानु कुरामा हस्तक्षेप गर्नु भएन । घरजग्गाको कित्ताकाट खुलेकोले अब अर्थतन्त्र सहज हुँदै जानेछ । निजी क्षत्रलाई विश्वासमा लिएर नै हामी काम गर्नेछौँ । सबै तिरबाट सुधार हुँदैछ ।’
नेपाल राष्ट्र बैंकले सानु सानु कुरामा हस्तक्षेप गरेको समेत अर्थमन्त्रीले बताए । नाडाका अध्यक्ष ध्रुव थापाले सरकारले अटोलाई विलासीको वस्तुको रूपमा हेरेकोले समस्या भएको उनको भनाइ छ । नेपाल उद्योग वाणिज्य महासङ्घका अध्यक्ष चन्द्र ढकालले अर्थ मन्त्रालय र नेपाल राष्ट्र बैंकबीच समन्वय नहुँदा अर्थतन्त्रमा समस्या आएको बताए ।