![वर्षासँग सम्बन्ध बिच्छेदपछि आशिषले गरे दोस्रो विवाह](http://media.assettype.com/dailynewsnepal%2F2023-03%2F28760973-38af-4289-a2d9-ca60254ea7f5%2Fbarsha.jpg?w=480&auto=format%2Ccompress&fit=max)
काठमाडौं । अभिनेत्री वर्षा सिवाकोटी र उनका श्रीमान आशिष गेलालको सम्बन्ध बिच्छेद भएको छ । गत बैशाख ९ गते काठमाडौंको एक रिसोर्टमा धुमधामले विवाह गरेका वर्षा र अमेरिका निवासी आशिषको सम्बन्ध नौ महिनामै टुंगिएको हो । वर्षासँग सम्बन्ध विच्छेद भए लगतै आशिषले दोस्रो विवाह गरेका छन् ।
सामाजिक सञ्जाल मार्फत आशिषले अर्कै युवतीसँग विवाह भएको तस्वीर बाहिरिएको छ । आशिषले सोमबार झापाकी समीक्षा विमलीसँग विवाह गरेका हुन् ।
वर्षा र आशिषको औपचारिक सम्बन्धविच्छेद केही समय अगाडी मात्रै भएको हो । विवाहपछि वर्षा पनि अमेरिका गएर श्रीमानसँग बस्न थालेकी थिइन् । तर, छोटो समयमै नेपाल फर्किइन् । नेपाल फर्किएसँगै उनले सामाजिक सञ्जालबाट श्रीमानका तस्वीरहरु हटाएपछि सम्वन्धमा दरार आएको आँकलन गर्न थालिएको थियो ।
सम्बन्ध बिच्छेद र श्रीमनको दोस्रो विवाहको विषयमा वर्षा अझै मौन छिन् ।