![समीक्षाको नयाँ गीत ‘रुदै हिड्नु पर्छ’ सार्वजनिक](http://media.assettype.com/dailynewsnepal%2F2023-03%2Fa219dd6c-722e-4353-87d8-9a6cc50b8652%2Frudai_song.png?w=480&auto=format%2Ccompress&fit=max)
गायिका समीक्षा अधिकारीको स्वरमा रहेको नयाँ गीत ‘रुदै हिड्नु पर्छ’ को भिडियोसहित सार्वजनिक भएको छ । सार्वजनिक गीतमा अधिकारीसँगै गायिका सुनिता बुढा क्षेत्री र गायक सुवास खत्रीको पनि स्वरमा रहेको छ ।
‘रुदै हिड्नु पर्छ’ बोलको लोक तथा दोहोरी गीतमा सुजित खत्रीको शब्द तथा हेमन्त कान्छा रसाइलीको संगीत रहेको छ । गीतमा सारिका केसी र दिनेश पुरीको अभिनय रहेकाे छ ।
गीतमा परदेशी भूमिमा जिवनमा सुनौला सपना बोकेर हिडेका युवाहरुको पिडा र व्यथालाई समेटिएको छ ।
विशाल घिमिरेको निर्देशन रहेको भिडियोको छायांकन नवराज उप्रेतीले गरेका छन् भने सम्पादन नविन धर्ति मगरले गरेका छन् । गीतको भिडियोलाई सुवास खत्रीको अफिसियल युटुव च्यानलमार्फत बजारमा ल्याइएको छ ।