![चलचित्र ‘छक्का पन्जा ४’को ‘सिरूपाते जुंगामा’ गीत सार्वजनिक](http://media.assettype.com/dailynewsnepal%2F2023-03%2Fd56d7a6f-43d5-45ba-af4d-aab6d78a8e20%2Fchakka.jpg?w=480&auto=format%2Ccompress&fit=max)
काठमाडौं । चलचित्र ‘छक्का पन्जा ४’ को ‘सिरूपाते जुंगामा’ बोलको दोस्रो गीत सार्वजनिक भएको छ ।
गत शुक्रबारदेखि प्रदर्शन भइरहेको चलचित्रको उक्त गीत मंगलबार ओएसआर डिजिटल युट्युब च्यानल मार्फत सार्वजनिक गरीएको हो ।
सार्वजनिक गीतको भिडिओमा अभिनेता दीपकराज गिरी र अभिनेत्री बेनिशा हमाललाई देख्न सकिन्छ। बाबुल गिरीको स्वर रहेको गीतमा शंकर अधिकारीको शब्द रहेको छ भने संगीत, संगीत संयोजन तथा मिसिङ बाबुलकै छ।
आमा सरस्वती मुभिज र आइएमीको प्रस्तुतिमा निर्माण भएको चलचित्रलाई नरेन्द्र मैनालीले छायांकन गरेका छन् । चलचित्रलाई निमेष श्रेष्ठले सम्पादन गरेका हुन् भने हेमराज विसीले निर्देशन गरेका छन् ।
चलचित्रमा दीपक र बेनिशासँगै दीपाश्री निरौला, केदार घिमिरे, निर्मल शर्मा, बुद्धि तामाङ, राज आचार्य, सुश्मा निरौला, बेदना राईलगायत कलाकारको अभिनय छ ।