![फिल्म ‘उलझ’ को पोष्टर सार्वजनिक](http://media.assettype.com/dailynewsnepal%2F2023-05%2F774fc6b6-001b-40f1-b19c-672433b78eb7%2Fuljha_1683703228.avif?w=480&auto=format%2Ccompress&fit=max)
भारतीय अभिनेत्री जाह्नवी कपूर अभिनीत स्पाइ थ्रिलर फिल्म ‘उलझ’ को दुई वटा पोष्टर सार्वजनिक भएको छ । भारतीय सञ्चार माध्यमहरुका अनुसार बुधबार फिल्मको निर्माण टिमले दुई तस्बिर सार्वजनिक गर्दै फिल्मको औपचारिक निर्माण घोषणा गरेकाे हो ।
सुधांशु सरियाले निर्देशन गर्न लागेको फिल्ममा जाह्नवीसँगै गुलशन देवैया र रोशन मैथ्यूको पनि मुख्य भूमिका रहनेछ । फिल्ममा जाह्नवी, गुलशन र रोशनसँगै राजेश ताइलांग, मैयांग चांग, सचिन खेदकर, राजेन्द्र गुप्ता, जितेन्द्र जोशीलगायत कलाकारको अभिनय रहेको छ ।
फिल्म एक आइएफएस अफिसरमा आधारित हुने फिल्मका कथा निर्देशक सरिया र परवेज शेखले तयार पारेका छन् । जाह्नवी जुनियर एनटिआरसँग फिल्म ‘एनटिआर ३०’ मा देखिनेछिन् भने उनी पछिल्लो समय ‘मिली’ फिल्ममा देखिएकी थिइन् ।