![सोनाक्षीको वेब सिरिज ‘दहाड’ को ट्रेलर सार्वजनिक](http://media.assettype.com/dailynewsnepal%2F2023-05%2F7e6145d6-0daf-4668-b692-4bf956aef282%2Ffallen_web_series.jpg?w=480&auto=format%2Ccompress&fit=max)
भारतीय अभिनेत्री सोनाक्षी सिन्हाको डेब्यू वेब सिरिज ‘दहाड’ को ट्रेलर सार्वजनिक भएको छ । बुधबार प्राइम भिडियाे इन्डिया युट्युब च्यानलमार्फत सिरिजको ट्रेलर सार्वजनिक गरिएको हो ।
२ मिनेट ३२ सेकेण्ड लामो सार्वजनिक ट्रेलरमा सोनाक्षी प्रहरीको दमदार भूमिकामा देखिएकी छिन् । उक्त ट्रेलरमा उनी २७ जना युवती हत्याको केसलाई समाधान गर्ने प्रयासमा छिन् ।
क्राइम ड्रामा सिरिजमा सोनाक्षीको अलवा विजय वर्मा, गुलशन देवैया, सोहम शाहलगायत कलाकारको अभिनय रहेको छ । रीमा कागती र रूचिका ओवरायले निर्देशनमा बनेको सिरिज ८ एपिसोडसम्म हुने भारतीय सञ्चार माध्यमहरुले जनाएका छन् । ८ एपिसोडको वेब सिरिज अमेजन प्राइममा १२ मे देखि प्रदर्शन हुनेछ ।