![उच्च अदालतमा ३९ न्यायाधीश नियुक्त (नामसहित)](http://media.assettype.com/dailynewsnepal%2F2024-01%2F5137e1af-6392-4530-aa73-eaac804faa34%2FNeya_parisad.png?w=480&auto=format%2Ccompress&fit=max)
काठमाडौं । न्याय परिषद् बैठकले आज (बुधबार) उच्च अदालतमा ३९ न्यायाधीशको नियुक्ति गरेको छ । परिषद्ले उच्च अदालतको रिक्त ४० न्यायाधीश पदमा २६ जिल्ला न्यायाधीश, चार जना कानुन सेवाका र नौजना कानुन व्यवसायी गरी ३९ जनालाई नियुक्त गरेको हो ।
उच्च अदालतमा अझै एक पद रिक्त छ । त्यसअघि आजै बसेको न्याय सेवा आयोगको बैठकले सर्वोच्च अदालतको मुख्य रजिस्ट्रारमा न्यायपरिषद्का सचिव देवेन्द्रराज ढकाललाई बढुवा गरेको छ । यसैगरी आयोगले सर्वोच्च अदालतका सह-रजिस्ट्रार विमल पौडेललाई रजिस्ट्रारमा बढुवा गरेको छ ।
सर्वोच्चका मुख्य रजिस्ट्रार लालबहादुर कुँवर र रजिस्ट्रार निर्मला पौडेल भट्टराई उच्च अदालतको न्यायाधीश सिफारिस भएपछि उक्त पद रिक्त थिए ।