![राष्ट्रिय सभाका १९ सिटमा ५२ जनाको मनोनयन दर्ता](http://media.assettype.com/dailynewsnepal%2F2023-11%2F6a4c4403-21ab-47b1-8acb-b777bfe73413%2FNirbachan_Aayog.jpg?w=480&auto=format%2Ccompress&fit=max)
काठमाडौँ । १९ सिटका लागि हुन लागेको राष्ट्रिय सभा निर्वाचनमा ५२ जना उम्मेदवारको मनोनयन दर्ता भएको छ ।
निर्वाचन कार्यतालिका अनुसार उम्मेदवारी दर्ताको दिन आज सोमबार १९ सिटमा ५२ जनाको उम्मेदवारी दर्ता भएको हो । आगामी ११ माघमा हुने राष्ट्रिय सभा निर्वाचनका लागि मतदान हुने छ ।
निर्वाचन आयोगका अनुसार सातै प्रदेशमा महिला समूहतर्फ १८, दलित समूहतर्फ ५, अपाङ्गता भएका व्यक्ति वा अल्पसङ्ख्यक समुदायतर्फ ८ र अन्य समूहतर्फ २१ गरी जम्मा ५२ जना उम्मेदवारको मनोनयन पत्र दर्ता भएको छ ।