![घटस्थापनायता करिब ५ लाखले राजधानी छाडे](http://media.assettype.com/dailynewsnepal%2F2023-10%2F97a10ff0-abb2-4b9e-9369-de544e20b894%2Fretan_home.jpg?w=480&auto=format%2Ccompress&fit=max)
काठमाडौं । दसैंका मुख्य दिन नजिकिएसँगै राजधानीबाट बाहिरिनेहरुको संख्या बढ्न थालेको छ । घटस्थापनायता करिब पाँच लाखले राजधानी छाडिसकेको उपत्यका ट्राफिक प्रहरीको अनुमान छ ।
घटस्थापनादेखि बिहीबार बिहान ६ बजेसम्म उपत्यकाका विभिन्न नाकाबाट करिब पाँच लाख यात्रु बाहिरिएका हुन् । हिजो (बुधबार) दिनभर करिब डेढ लाख यात्रुले उपत्यका छाडेको अनुमान काठमाडौं उपत्यका ट्राफिक प्रहरी कार्यालयले गरेको छ ।
विभिन्न प्रयोजनका कारण राजधानीमा बसोबास गर्दै आएकाहरु दसैं मनाउन बाहिरिएका हुन् । सरकारी बिदा सुरु भएपछि फूलपाती र अष्टमीका दिन सबैभन्दा बढी मानिस राजधानीबाट बाहिरिने गरेका छन् ।