![गृहजिल्लामा योगेश भट्टराईलाई कालो झन्डा](http://media.assettype.com/dailynewsnepal%2F2022-11%2F5829afb1-eb10-47fe-a726-7009c7b7beda%2Fyogesh_bhattrai.jpg?w=480&auto=format%2Ccompress&fit=max)
ताप्लेजुङ । ताप्लेजुङमा नेकपा एमाले सचिव योगेशकुमार भट्टराईलाई कालो झन्डा देखाइएको छ । आफ्नै निवासअगाडि एमाले सचिव भट्टराईलाई पहिचानवादी समूहका नेता–कार्यकर्ताले कालो झन्डा देखाएका हुन् ।
एमालेले आयोजना गरेको कार्यक्रममा सहभागी हुन गृहजिल्ला आएका भट्टराईलाई कालो झन्डा देखाउँदै उनीहरु नाराबाजीसमेत गरे । पहिचान पक्षधरले कोशी प्रदेश नामको खारेजी हुनुपर्ने, साथै किराँत राज्य हुनुपर्नेलगायतका माग गर्दै नाराबाजी गरे ।