![फागुन पहिलो साता विधान सम्मेलन गर्ने माओवादीको निर्णय](http://media.assettype.com/dailynewsnepal%2F2023-04%2Ff2dd9727-ae8d-4316-8bf7-8569697ebfa0%2FMao_768x485.jpeg?w=480&auto=format%2Ccompress&fit=max)
काठमाडौँ । माओवादी केन्द्रको विधान सम्मेलन फागुन पहिलो साता हुने भएको छ। बिहीबार बिहान बसेको माओवादी पदाधिकारी बैठकले फागुन पहिलो साता विधान सम्मेलन गर्ने निर्णय गरेको हो ।
माओवादी केन्द्रका केन्द्रीय सदस्य शरद सिंह भण्डारीले बैठकले विधान मस्यौदा समिति गठन गरेको जानकारी पनि दिए । भण्डारीका अनुसार समितिमा उपाध्यक्ष पम्फा भुसाल, महासचिव देव गुरुङ, गिरिराजमणि पोखरेल, वर्षमान पुन र जनार्दन शर्मा तथा सचिवद्वय गणेश शाह र राम कार्की छन् ।
विधान सम्मेलनअघि केन्द्रीय कमिटी बैठक बस्नेछ र विधान मस्यौदा समितिले तयार पारेको मस्यौदालाई केन्द्रीय कमिटीले अनुमोदन गरेपछि विधान सम्मेलनमा प्रस्तुत गरिनेछ । माओवादी विशेष रूपान्तरण अभियान सफल भएको र भिन्न रूपमा अभियानलाई निरन्तरता दिनुपर्ने निष्कर्ष पनि बैठकले निकालेको उनले बताए ।