![परराष्ट्र मन्त्री साउँद आज बंगलादेश जाँदै](http://media.assettype.com/dailynewsnepal%2F2023-05%2F596337bf-78f0-40de-bba1-2b921961cf7c%2Fnarayanprakash_saud.jpg?w=480&auto=format%2Ccompress&fit=max)
काठमाडौँ । परराष्ट्रमन्त्री एनपी साउद आज बंगलादेश जाँदै छन् । बुधबार बेलायतबाट फर्केका परराष्ट्र मन्त्री साउँद ‘छैटौं इन्डियन ओसन कन्फरेन्स–२०२३’ मा सहभागी हुन आज (बिहीबार) बङ्गलादेशको राजधानी ढाका जान लागेका हुन् ।
हिन्द महासागर क्षेत्रको मजबुत भविष्यका लागि शान्ति, समृद्धि र सहकार्य गर्ने मूल कार्यपत्रमा छलफल गर्नका लागि उक्त सम्मेलन आयोजना गरिएको हो । भारतको विदेश मन्त्रालय, इन्डिया फाउन्डेसन र बङ्गलादेशको विदेश मन्त्रालयले संयुक्त रूपमा सो कार्यक्रमको आयोजना गरेका हुन् । उक्त सम्मेलन शनिबारसम्म जारी रहनेछ ।
चाल्र्स तृतीयाको राज्याभिषेक समारोहमा सहभागी हुन लागि गत साता मात्रै उनी बेलायत गएका थिए ।