![काठमाडौं महानगरपालिकासँग तत्काल संवाद गर्न प्रधानमन्त्रीलाई गगन थापाको आग्रह](http://media.assettype.com/dailynewsnepal%2F2023-04%2F122b4ed2-2691-4189-a2f8-e932702fee43%2FGagan_thapa.jpg?w=480&auto=format%2Ccompress&fit=max)
काठमाडौं । नेपाली कांग्रेसका सांसद गगनकुमार थापाले प्रधानमन्त्री पुष्पकमल दाहाललाई काठमाडौं महानगरपालिकासँग तत्काल संवाद गर्न आग्रह गर्नुभएको छ ।
सोमबार प्रतिनिधि सभा बैठकको आकस्मिक समयमा बोल्दै सांसद थापाले काठमाडौं महानगरपालिकाले सिंहदरबारभित्रको फोहोर नउठाएको विषयमा महानगरपालिकासँग तत्काल सम्वाद गर्न प्रधानमन्त्रीलाई आग्रह गर्नुभएको हो ।
दुई तहका सरकारका बीचमा तत्काल सल्ट्याउनुपर्ने विषयहरुलाई सल्ट्याइहाल्न पनि उहाँको आग्रह छ । उहाँले महानगरपालिकाले राखेका जायज मागहरुलाई पूरा गर्न आवश्यक विषयहरुमा समझदारी कायम गर्न माग गर्नुभयो । सांसद थापाले काठमाडौं महानगरपालिका र संघीय सरकारबीचको छलफलमा काठमाडौंका जनप्रतिनिधिहरुलाई पनि सम्मिलिन गराउनुपर्ने बताउनुभयो ।
उहाँले देशका विभिन्न पालिका प्रमुखहरु सिंहदरबारमा कर्मचारी माग गर्न र सरुवा लगायतका कामहरु लिएर घुइँचो लागेको भन्दै पालिका प्रमुखहरुलाई सिंहदरबार घुम्नुपर्ने अवस्थाको अन्त्य गर्न पनि उहाँले माग गर्नुभयो ।