![जापान एयरलाइन्सको विमानमा आगलागी](http://media.assettype.com/dailynewsnepal%2F2024-01%2F00c47843-e067-4c85-84a1-46d8155fbbbc%2Fjapan_Airlince.jpeg?w=480&auto=format%2Ccompress&fit=max)
काठमाडौं । जापानको हानेदा विमानस्थलको धावनमार्गमा अवतरण गर्ने क्रममा अर्को विमानसँग ठोक्किएपछि मंगलबार जापान एयरलाइन्सको विमानमा भीषण आगलागी भएको छ । अहिले यो दुर्घटनाको दृश्य बाहिर आएको छ ।
जापानको सरकारी प्रसारक एनएचकेले अधिकारीहरूलाई उद्धृत गर्दै हानेदा एयरपोर्टमा पार्किङ गरिएको अर्को विमानसँग ठोक्किएर दुर्घटना भएको हुन सक्ने जनाएको छ । जापान एयरलाइन्सको विमानमा धेरै यात्रु चढेको खबर पनि छ । तर, यसबारेमा अहिलेसम्म स्पष्ट जानकारी आएको छैन । तर दुर्घटनाका तस्बिर र भिडियोमा विमानमा आगो निस्केको देखिन्छ । झ्यालबाट आगो र धुवाँ उठिरहेको देखिन्छ ।
-बीबीसी