![मधेश प्रदेशसभा सदस्य यादवको निधन](http://media.assettype.com/dailynewsnepal%2F2023-09%2F8662fe97-5a14-4655-bdc4-6e89d589b2a9%2Fbindukumario.jpg?w=480&auto=format%2Ccompress&fit=max)
काठमाडौँ । जनता समाजवादी पार्टी (जसपा) केन्द्रीय सदस्य एवम् मधेश प्रदेश सांसद विन्दु कुमारी यादवको निधन भएको छ । यादवको मंगलबार बिहान साढे ८ बजे निधन भएको हो ।
उनी दुई वर्ष अघिदेखि पाठेघरको मुखको क्यान्सरबाट पीडित थिइन् । आज बिहान साढे ८ बजे उनको निधन भएको प्रादेशिक अस्पताल जनकपुरका निर्देशक एवम स्त्री तथा प्रसूति रोग विशेषज्ञ डा.रामनरेश पण्डितले जानकारी दिए ।
सर्लाहीको कविलासी नगरपालिका सिर्सियाकी उनी गत निर्वाचनमा समानुपातिक तर्फबाट सांसद चुनिएकी थिइन्।