![रामबहादुर बम्जनको घरमा भेटिएको पैसाको चाङ](http://media.assettype.com/dailynewsnepal%2F2024-01%2Fc8f3d8e5-283c-4846-bf6b-29c95ae7cc9d%2FRam_bahdur_bamjan_paisa3_e1704878425925_1024x548.jpg?w=480&auto=format%2Ccompress&fit=max)
काठमाडौँ । प्रहरीले काठमाण्डुको बुढानीलकण्ठबाट पक्राउ परेका रामबहादुर बम्जनको घरबाट ३ करोड ३४ लाख रुपैयाँ बरामद गरेको छ । उनको घरबाट ३ करोड ३ लाख ७५ हजार ५ सय नेपाली रुपैयाँ र विभिन्न १७ देशका ३० लाख ९२ हजार ४०६ रुपैयाँ बराबरको विदेशी मुद्रा बरामद भएको नेपाल प्रहरीको केन्द्रीय अनुसन्धान ब्यूरोले जानकारी दिएको छ ।
यो पैसामाथि अनुसन्धान भइरहेको सीआईबीले जानकारी दिएको छ ।सर्लाहीकी एक अनुयायीमाथि बाल यौन दूराचार गरेको आरोप लागेपछि जिल्ला अदालत सर्लाहीले उनीविरुद्ध २०७६ सालमा पक्राउ पुर्जी जारी गरेको थियो ।
तर प्रहरीले उनलाई पक्राउ गर्न सकेको थिएन । मंगलबार सीआईबीले उनी बसेको बुढानीलकण्ठस्थित घरमा छापा मारेको थियो । त्यस क्रममा उनी २ तला माथिबाट हामफालेर भाग्ने प्रयास गरे पनि सफल हुन सकेको थिएन । सीआईबीले बम्जनलाई जिल्ला अदालत सर्लाहीमा उपस्थित गराउने तयारी गरेको छ ।