![गृहमन्त्रीमा नारायणकाजी श्रेष्ठ, कसले कुन मन्त्रालय पाउँदैछन् ?](http://media.assettype.com/dailynewsnepal%2F2023-03%2Fe8a3b959-9ffe-4e48-9db4-0efa621f463d%2Fnarayankaji_anmolal_and_sudin_rekha.jpg?w=480&auto=format%2Ccompress&fit=max)
काठमाडौँ । नेकपा (माओवादी केन्द्र)ले मन्त्रालय हेरफेर गर्दै छ । प्रधानमन्त्री पुष्पकमल दाहाल ‘प्रचण्ड’ले आफ्नो नेतृत्वमा रहेको सरकारको मन्त्रालयहरूमा मन्त्री हेरफेर गर्दै छन् । हाल भौतिक पूर्वाधार एवम् यातायातमन्त्री रहेका नारायणकाजी श्रेष्ठ उपप्रधानसहित गृहमन्त्री बन्ने भएका छन्, भने अहिले संघीय मामिला तथा सामान्य प्रशासन मन्त्री रहेका अमनलाल मोदीलाई ऊर्जा र सहरी विकासमध्ये एकमा पठाउने तयारी गरिएको छ ।
यस्तै संस्कृति, पर्यटन एवम् नागरिक उड्ड्यनमन्त्री सुदन किराती र सञ्चार तथा सूचना प्रविधि मन्त्री रेखा शर्मा भने सोही मन्त्रालयमा रहने भएका छन् । सरकारको नेतृत्व समालिरहेको माओवादी केन्द्रले सरकारको प्रवक्ता आफैँ हुनुपर्ने निष्कर्ष निकालेको छ । सञ्चार मन्त्री स्वतः सरकारको प्रवक्ता हुन्छ । यही प्रावधान हाल सञ्चार मन्त्री शर्मा सरकारको प्रवक्ता रहेकी छिन् ।