![नेका केन्द्रीय पदाधिकारीको बैठक बस्दै](http://media.assettype.com/dailynewsnepal%2F2023-09%2F8cdf1267-2cec-492b-ad92-e2a40aeb7ed7%2FuLb3dQeYaCS1rHKj75FWFgX3rMJcInnKiztFSZ3M.jpg?w=480&auto=format%2Ccompress&fit=max)
काठमाडौं । नेपाली कांग्रेसको केन्द्रीय पदाधिकारी र पूर्वपदाधिकारी बैठक आज बस्दै छ । सभापति शेरबहादुर देउवाले आसन्न महासमिति बैठकको तयारीका सन्दर्भमा छलफल गर्न पदाधिकारी र पूर्वपदाधिकारी बैठक दिउँसो १ बजेका लागि आह्वान गरेका हुन् ।
कांग्रेस केन्द्रीय सदस्य एवं सूचना सञ्चार तथा प्रचार विभाग प्रमुख मीनबहादुर विश्वकर्माले महासमितिको बैठकको तयारीबारे छलफल गर्न बैठक बस्न लागेको जानकारी दिए ।
बैठकअघि विभागका प्रमुख र सदस्यलाई पूर्णता दिने तयारी छ, त्यस विषयमा पनि छलफल हुने छ । उनका अनुसार आगामी पुस १६ देखि १९ गतेसम्म हुने महासमिति बैठकलाई केन्द्रित गरी बैठकमा छलफल हुनेछ ।