![काँग्रेस केन्द्रीय समितिमा थप ८ जना सदस्य मनोनयन](http://media.assettype.com/dailynewsnepal%2F2022-11%2Ff0ee17d7-9188-47e6-b8c7-c512de90e294%2Fcongresh.jpg?w=480&auto=format%2Ccompress&fit=max)
काठमाडौँ- नेपाली कांग्रेसका सभापति शेरबहादुर देउवाले केन्द्रीय सदस्यमा आठ जनालाई मनोनयन गर्नुभएको छ ।
पार्टीका मुख्य सचिव कृष्णप्रसाद पौडेलले जारी गर्नुभएको विज्ञप्ती अनुसार सभापति देउवाले नेपाली कांग्रेसको विधान, २०१७ (संशोधनसहित)को धारा २१ को उपधारा १० बमोजिम सभापति देउवाले कार्यसमितिमा सदस्य थप गर्नुभएको हो ।
मनोनयन हुनेहरुमा मानबहादुर विश्वकर्मा, अर्जुनप्रसाद जोशी, डा. चन्द्र भण्डारी, शिवप्रसाद हुमागाई, किरणराज शर्मा पौडेल, भरतकुमार शाह, शारदा पौडेल र अनिलकुमार रुंगटा हुनुहुन्छ ।