![सरकारको नीति तथा कार्यक्रम आज निर्णयार्थ प्रस्तुत गरिंदै](http://media.assettype.com/dailynewsnepal%2F2023-05%2Fbe0c2e52-f55c-4747-9256-5e771b7ace6f%2FScreenshot_2023_05_26_085003.png?w=480&auto=format%2Ccompress&fit=max)
काठमाडौं- प्रतिनिधिसभाको आजको बैठकमा सरकारको वार्षिक नीति तथा कार्यक्रम निर्णयार्थ प्रस्तुत गरिने भएको छ । प्रतिनिधिसभाको बैठक ११ बजे बोलाइएको छ ।
राष्ट्रपति रामचन्द्र पौडेलले जेठ ५ गते संघीय संसदको दुवै सदनको संयुक्त बैठकमा पेस गर्नुभएको नीति तथा कार्यक्रमलाई सभामुखले निर्णयार्थ प्रस्तुत गर्ने कार्यसूची संसद सचिवालयले सार्वजनिक गरेको छ ।
त्यसअघि सरकारको वार्षिक नीति तथा कार्यक्रममाथि प्राप्त संशोधनहरुलाई निर्णयार्थ प्रस्तुत गरिनेछ । बैठकको सुरुमा नीति तथा कार्यक्रममाथिको छलफल भने जारी रहने छ ।
त्यसपछि प्रधानमन्त्री पुष्पकमल दाहाल प्रचण्डले छलफलको क्रममा उठेका प्रश्नहरुको जवाफ दिनुहुने कार्यक्रम तय गरिएको छ ।