![राष्ट्रपति पौडेलले भारतमा उपचार गराउँदाको खर्च आफैँ व्यहोर्ने](http://media.assettype.com/dailynewsnepal%2F2023-04%2Fce73daa4-b33c-4373-a1ac-bd0fd75c1492%2FRamchandra_paudel.jpg?w=480&auto=format%2Ccompress&fit=max)
काठमाडौँ । राष्ट्रपति रामचन्द्र पौडेलले भारतमा उपचार गराउँदाको खर्च आफैँ व्यहोर्ने भएका छन् । उक्त उपचारबापतको खर्च राष्ट्रपति आफैँले व्यहोर्न चाहेको राष्ट्रपतिको स्वकीय सचिवालयले जनाएको छ ।
निमोनियाका कारण फोक्सोमा पानी जमेपछि राष्ट्रपति पौडेललाई भारतको नयाँदिल्लीस्थित एम्स अस्पतालमा उपचार गराइएको थियो । गएको आइतबार नेपाल फर्किएका पौडेलको स्वास्थ्योपचार खर्च राज्यकोषबाट हुन नहुने भन्दै चौतर्फी टिप्पणी भएको थियो ।