![अध्यक्ष प्रचण्डले बोलाए पार्टी सचिवालय बैठक](http://media.assettype.com/dailynewsnepal%2F2023-04%2Fc6145f90-157c-4723-b30b-dfcca5d2ef50%2F1674873733_bgQIP.jpg?w=480&auto=format%2Ccompress&fit=max)
काठमाडौं । आफ्ना प्रमुख राजनीतिक सल्लाहकार हरिबोल गजुरेलले दिएको राजीनामाबारे छलफल गर्न प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल प्रचण्डले पार्टी सचिवालय बैठक बोलाएका छन् ।
प्रचण्डले राजीनामाबारे छलफल गर्न भोलि मंगलबार बैठक बोलाएको गजुरेलले जानकारी दिए । एक नेताका अनुसार गजुरेलको राजीनामाको कारण पार्टी नेताहरुलाई जानकारी दिएर मात्र प्रचण्ड राजीनामा स्वीकृत गर्ने मुडमा छन् ।
आफूले दिएका नीतिगत सुधारका काममा प्रधानमन्त्रीले चासो नदिएको भन्दै गजुरेलले गत २० मंसिरमा राजीनामा दिएका थिए । राजीनामाको कारणबारे स्वीकृत भएपछि मात्र बताउने गजुरेलको भनाइ छ ।
तर, प्रधानमन्त्रीले अहिलेसम्म गजुरेलको राजीनामा स्वीकृत गरेका छैनन् । प्रधानमन्त्रीको सचिवलयका व्यक्तिहरुले भने काम गर्न नसकेका कारण गजुरेलले राजीनामा दिएको आरोप लगाउँदै आएका छन् ।