![सन्दीपविरुद्धको मुद्दा बुधबार पनि हेर्दाहेर्दैमा](http://media.assettype.com/dailynewsnepal%2F2023-09%2Fcb2f4880-0cde-4e52-b834-f1775f37978e%2FKathmandu_District_Court_Kathmandu_Jilla_Adalat.webp?w=480&auto=format%2Ccompress&fit=max)
काठमाडौं । क्रिकेटर सन्दीप लामिछानेमाथि लागेको बलात्कार मुद्दामाथि जिल्ला अदालत काठमाडौंमा सुरु भएकाे सुनुवाई बुधबार पनि हेर्दाहेर्दैमा सकिएको छ ।
गत आइतबारदेखि सन्दीपविरुद्धको मुद्दामा न्यायाधीश शिशिरराज ढकालको इजलासमा निरन्तर सुनुवाइ भएको छ । जाहेरवालातर्फबाट १० जनाले बहस गरेपछि प्रतिवादी सन्दीपका तर्फबाट बहस सुरु भएको थियो ।
अधिवक्ता मुरारी सापकोटाले बहस गरिरहेका बेला बुधबारको समय सकिएको थियो । अब बिहीबार सन्दीपका कानुन व्यवशायीले बहस गर्नेछन्। प्रतिवादीका कानुन व्यवशायीको बहस सकिएपछि जाहेरवालातर्फबाट फेरी जवाफी बहस हुनेछ ।
त्यसपछि न्यायधिशले फैसला सुनाउनेछन् ।
जाहेरवालातर्फबाट दुई जना सरकारी वकिल र ८ जना निजी वकिलले बहस गरेका छन् । सन्दीपका तर्फबाट वरिष्ठ अधिवक्ताहरु रमन श्रेष्ठ, शम्भु थापा, कृष्ण सापकोटालगायतले बहस गर्ने तयारी छ ।