![सकियो राष्ट्रपति विद्यादेवी भण्डारीको कार्यकाल](http://media.assettype.com/dailynewsnepal%2F2023-03%2F4422ac9d-48b7-4ed1-8e4e-a43a768f1497%2Fbidhya_devi_bhandari.jpg?w=480&auto=format%2Ccompress&fit=max)
काठमाडौँ । आजबाट वर्तमान राष्ट्रपति विद्यादेवी भण्डारीको कार्यकाल सकिएको छ । नयाँ राष्ट्रपतिमा नेपाली काँग्रेसका उम्मेदवार रामचन्द्र पौडेल फागुन २५ गते निर्वाचित भएका छन् ।
आज राष्ट्रपति भण्डारीले शितलनिवास छाड्नुपर्ने भएको हो । उनी शितलनिवासबाट बुढानीलकण्ठ–२ चपलीस्थित निजी निवासमा सर्ने उनको सचिवालयले जनाएको छ । भण्डारी २०७२ कात्तिक ११ गते राष्ट्रपति पदमा पहिलो पटक निर्वाचित भएकी थिइन् । त्यसपछि उनी दोस्रो कार्यकालका लागि २०७४ साल फागुन २९ गते निर्वाचित भइन् ।