![रुसी सेनामा भर्ना भएका थप तीन नेपालीको मृत्यु](http://media.assettype.com/dailynewsnepal%2F2024-01%2F5ba7bc96-d382-4312-b9c8-ee11079ba543%2Frusi_sena_768x446.jpg?w=480&auto=format%2Ccompress&fit=max)
काठमाडौं । रुसी सेनामा भर्ना भएका थप ३ नेपालीको मृत्यु भएको छ । रुसी सेनामा भर्ना भएका थप ३ जनाको मृत्यु भएको परराष्ट्र मन्त्रालयका प्रवक्ता अमृत राईले जानकारी दिएका छन् । पछिल्लाे समय युद्धमा सहभागी वालिङ नगरपालिका–१४ मान्खुका हरि अर्यालको मृत्यु भएको हाे । उनकाे २८ डिसेम्बर १२ पुसमा मृत्यु भएको हो ।
करिब दुई महिनाअघि अर्याल दुबई हुँदै रुस गएका थिए । नेपाली सेनामा काम गरेको ३ वर्षपछि जागिर छाडेर अर्याल रुस गएका थिए । त्यसैगरी कैलालीका भरत शाह र धादिङका राजकुमार गिरीकाे रुस–युक्रेन युद्धमा मृत्यु भएको रुसको मस्कोस्थित नेपाली दूतावासले बताएको छ ।
थप तीनजनाको मृत्य भएसँगै रुस–युक्रेन युद्धमा मारिने नेपालीको संख्या १० पुगेको छ । रुसी सेनामा भर्ती भएका चार नेपालीलाई युद्धका क्रममा युक्रेनी सेनाले नियन्त्रणमा लिई युद्धबन्दी बनाएको छ ।