![जसपाको संसदीय दलको नेतामा उपेन्द्र यादव](http://media.assettype.com/dailynewsnepal%2F2023-05%2F7db4519c-cf5b-465a-9011-08b0efe6bd2d%2F315416563_486535470208149_4320211560454653355_n_1536x1536.jpg?w=480&auto=format%2Ccompress&fit=max)
काठमाडौँ- जनता समाजवादी पार्टी (जसपा) नेपालको संसदीय दलको नेतामा पार्टी अध्यक्ष उपेन्द्र यादव निर्वाचित हुनुभएको छ । संसदीय दलको नेता चयनका लागि गठित निर्वाचन समितिले आज यादवलाई निर्वाचित भएको घोषणा गरेको हो ।
पार्टीको संसदीय दलको विधान २०७७ को दफा १० (१) बमोजिम यादव सर्वसम्मत निर्वाचित हुनभएको हो । यसअघि रामसहाय प्रसाद यादव संसदीय दलको नेता हुनुहुन्थ्यो । रामसहाय प्रसाद यादव उपराष्ट्रपति बन्नुभएपछि उहाँकै निर्वाचन क्षेत्रबाट उपनिर्वाचनमा विजयी हुनुभएका उपेन्द्र यादव संसदीय दलको नेता बन्नुभएको हो ।