![नेपालमा छिट्टै अमेरिकी सेना आउँदैछः दुर्गा प्रसाई](http://media.assettype.com/dailynewsnepal%2F2023-02%2F7ff3e0b9-29ac-4b31-9b75-66d0e278c102%2Fdurga_parsaiiii.jpg?w=480&auto=format%2Ccompress&fit=max)
काठमाडौं । व्यवसायी दुर्गा प्रसाईंले नेपालमा छिट्टै अमेरिकी सेना आउन लागेको बताउनुभएको छ ।
शनिबार काठमाडौंको पेरिस डाँडामा पत्रकार सम्मेलन गरेर उहाँले यस्तो गर्नुभएको हो । उहाँले यहाँका नेताहरुले देश बेचिसकेको र देश बेचेको पैसा दुबई लगायतका विभिन्न मुलुकमा आफ्ना कर्मचारीहरुको नाममा ट्रान्सफर गर्ने गरेको बताउनुभयो । उहाँले नेपालका बैंकहरुले ३३ किलो सुनको पैसा दुबईको एस्कोडा ट्रेडिङ कन्सर्ट भन्ने कम्पनीमा हुण्डाइमार्फत वैधानिक रुपमा पठाएको प्रमाण आफूसँग रहेको जिकिर गर्नुभयो ।
उहाँले अहिलेसम्म नेताहरुले देशबाट ३२ खर्ब रुपैयाँ विदेशी बैंकमा पठाएको पाइएको बताउनुभयो । उहाँले नेपालका राजनीतिज्ञ भन्दा आफू सयक कदम अगाडि रहेको भन्दै आफूले संघीयता ठिक छैन भनेको कुरालाई अहिले नेकपा एमालेले पनि प्रश्न उठाइरहेको बताउनुभयो ।
उहाँले भन्नुभयो,-‘३३ किलो सुनको पैसा दुबईको यो कम्पनीमा पेमेण्ट भएको छ । लिगल्ली रुपमा पेमेण्ट भएको छ । बैंकहरुले हुण्डीमार्फत पठाएको छ । एस्कोडा ट्रेडिङ कन्सर्ट भन्ने कम्पनीमा पेमेण्ट भएको छ । ग्ल्याक्सी कम्पनी भन्ने हङकङमा छ । एउटा त्यसको एडभान्स रेमिटेन्स भन्ने शाखा नेपालमा छ । ३२ खर्ब रुपैयाँ यो देशबाट पलायन भएको छ । मैले जुन माग राखेँ नि अहिले एमालेले पनि त्यही माग राख्यो होइन, संघीयता खारेज गर्नुपर्छ भन्ने । दुर्गा प्रसाईं सय कमद अघि रहेछ नि त यी राजनीतिज्ञ भन्दा यहाँ अब अमेरिकी सेना छिट्टै आउँदैछन् ।’
जनताले नेताहरुलाई कारबाही गर्ने अभियान सञ्चालन नगरे देशले कहिल्यै सुख नपाउने समेत व्यवसायी प्रसाईले बताउनु भयो ।