![युरोपा लिग : जिलुसेसँग लिभरपुल पराजित](http://media.assettype.com/dailynewsnepal%2F2023-12%2Fce9150ee-cf8f-4e59-956c-d1f1e001df85%2F519590_01_02.jpg?w=480&auto=format%2Ccompress&fit=max)
लन्डन । युईएफए युरोपा लिगअन्तर्गत गएराति भएको खेलमा लिभरपुल, युनियन सेन्ट जिलुसेसँग पराजित भएको छ । युनियनको मैदानमा भएको खेलमा लिभरपुलले २-१ को हार बेहोरेको हो ।
खेलको ३२ औँ मिनेटमा मोहम्मद अमोउराले गोल गरेरे घरेलु टिमलाई अग्रता दिलाएका थिए । तर पहिलो हाफमा ६ मिनेट बाँकी रहँदै जरेल क्वान्साहले गोल गरेर खेल बराबरीमा ल्याएका थिए ।
यता ४३ औँ मिनेटमा युनियनका कामेरोन पुर्टेलासले गोल गरेपछि लिभरपुल फेरि पछि पर्यो । दोस्रो हाफमा दुवै टिमले गोल नगर्दा युनियन विजयी भयो । यो खेलमा हारे पनि समूहको विजेता रहँदै लिभरपुल नकआउट चरणमा प्रवेश गरेको छ ।
खेलअघि नै समूह विजेता बन्ने पक्का भएका कारण लिभरपुलले गएराति युवा खेलाडीले भरिएको टिमलाई मैदानमा उतारेको थियो । गएरातिकै खेलमा लास्कलाई टुलुजले २-१ ले हराएको छ ।