![युभेन्टस कोपा इटालियाको क्वाटरफाइनलमा](http://media.assettype.com/dailynewsnepal%2F2024-01%2F6fba7449-5866-46c9-862f-9b6e58778d59%2Fnewskarkahna_news615050_.jpg?w=480&auto=format%2Ccompress&fit=max)
युभेन्टस कोपा इटालियाको क्वाटरफाइनलमा पुगेको छ । गएराती समपन्न खेलमा युभेन्टसले सालेरनिटानालाई ६-१ गोल अन्तरले पराजित गर्दै यस बर्षको कोपा इटालियाको क्वाटरफाइनलमा पुगेको हो ।
युभेन्टसको जितमा फाबिओ मिरेट्टी, आन्द्रे काम्बियासो, डानीएले रुगानी केनान यिल्डिज र् टिमोथी वीहले एक एक गोल गरेका थिए भने एक गोल सालेरनिटानाका डिलान ब्रोनले आत्मघाती गोल गरेका थिए ।
त्यस्तै सालेरनिटानाका लागि एक गोल इकवुएमेसीले गरेका थिए ।
यो जितपछि अब क्वाटरफाइनलमा युभेन्टसले फ्रोसिनोनेको सामना गर्ने छ । त्यस्तै क्वाटरफाइनलका अन्य खेलमा फिओरेंटीनाले बोलोंगा, लाजियोले एएस रोमा र् एसी मिलानले एटलान्टाको सामना गर्ने छ ।
क्वाटरफाइनलका खेलहरु जनवरी ९, १० र ११ मा हुने छन् ।