![न्युक्यासललाई हराउँदै लिभरपुल शीर्षस्थानमा](http://media.assettype.com/dailynewsnepal%2F2024-01%2F2bf60abe-40df-4306-a805-28f44cfbc7b3%2FSalah_Liverpool.webp?w=480&auto=format%2Ccompress&fit=max)
लन्डन । ईङलिश प्रिमियर लिग अन्तर्गत लिभरपुलले न्यूक्यासल युनाइटेडलाई पराजित गरेको छ । गएराती सम्पन्न खेलमा लिभरपुलले न्यूक्यासल युनाइटेडलाई ४-२ गोल अन्तरले पराजित गरेको हो । लिभरपुलको जितमा मोहमद सलाहले २ गोल गरेका थिए भने कार्टिस जोन्स र् कोडी गाक्पोले एक एक गोल गरेका थिए ।
त्यसैगरी न्यूक्यासलका लागि एल्जान्डर इसक र सभेन बोटम्यानले एक एक गोल गरेका थिए । यो यस सिजनमा लिभरपुलको १३औं जित हो । यो जितपछि लिभरपुलको २० खेलमा ४५ अंक भएको छ र लिगमा शिर्ष स्थानमा कायम रहेको छ । लिभरपुलले यो जितपछि दोस्रो स्थानमा रहेको एस्टन भिल्लासँग ३ अंकको स्पष्ट अग्रता हासिल गरेको छ ।
त्यसैगरी न्यूक्यासल युनाइटेडको भने यो यस सिजनमा नवौं हार हो । २० खेलमा २९ अंक रहेको न्यूक्यासल लिगमा नवौं स्थानमा रहेको छ ।